Ağdaşda dövlət qulluqçularının peşə bayramı qeyd olundu.
Ağdaşda dövlət qulluqçularının peşə bayramı qeyd olundu.
Ağdaşda 22 iyun 2019-cu il tarixdə dövlət qulluqçularının peşə bayramı gününə həsr olunmuş tədbir keçirildi.
Tədbir iştirakçıları tərəfindən ümummilli lider Heydər Əliyevin abidəsi önünə gül dəstələri düzüldü, ulu öndərin xatirəsi ehtiramla yad edildi.
Çıxış edənlər Azərbaycan Respublikasının Prezidenti İlham Əliyevin rəhbərliyi ilə dövlət quruculuğu sahəsində görülən işlərdən danışdılar. Vurğulandı ki, müasir dövlət qulluğu dövlət idarəetmə kadrlarının fəaliyyətindən ibarətdir. Dövlət qulluqçuları da ölkədə sabitliyi təmin edən və baş verən dəyişikliklərə uyğunlaşan çevik və səmərəli dövlət idarəçiliyi mexanizminin tətbiqini zamanın tələbinə uyğun həyata keçirən vəzifəli şəxslərdir. Eyni zamanda peşəkar kadrlar dövlət qulluğunun əsas hərəkətverici qüvvəsini təşkil edir.
Sonda xatirə şəkli çəkdirildi, yerli icra strukturlarında çalışan bir qrup dövlət qulluqçularına dövlət qulluğunda səmərəli fəaliyyətinə görə rayon İcra Hakimiyyətinin başçısı tərəfindən fəxri fərmanlar, qiymətli hədiyyələr təqdim edildi.
