Türkiyədə zəlzələdən zərərçəkənlərə yardım göndərildi.
Məlum olduğu kimi 06 fevral 2023-cü il tarixdə qardaş Türkiyə Cumhuriyyətində baş vermiş güclü zəlzələ böyük dağıntılara və kütləvi insan tələfatına səbəb olmuşdur. Zəlzələ baş verdikdən dərhal sonra Azərbaycan Respublikasının Prezidenti cənab İlham Əliyev, Birinci vitse-prezident, Heydər Əliyev Fondunun Prezidenti Mehriban xanım Əliyevanın tapşırıqlarına əsasən Türkiyəyə xilasedicilər, müxtəlif ləvazimatlar, səyyar tibbi avadanlıqlar və dərman preparatları göndərilmişdir. Ağdaş rayon İcra Hakimiyyəti qardaş ölkədə zəlzələdən zərərçəkmiş qardaş və bacılarımız üçün edilən yardım kampaniyasına fəal şəkildə qoşulmuş, bu məqsədlə qısa müddət ərzində 40 ədəd generator, 112 ədəd qızdırıcı, 550 ədəd yataq ləvazimatları, 4934 ədəd geyim dəstləri tədarük olunaraq qardaş ölkəyə göndərilməsi üçün Ağdaş rayonundan Bakı şəhərinə yola salınmışdır.
