Qaradeyin kəndində şəhidin ad günü qeyd olundu.
4 avqust 2022-ci il tarixində Ağdaş rayonunun Qaradeyin kəndində doğulub boya-başa çatmış, 44 günlük Vətən Müharibəsində şəhidlik zirvəsinə ucalan Abbasov Neymət Elçin oğlunun doğum günü qeyd olunub.
Mərasimdə Milli Məclisin deputatı Cavid Osmanov, rayon İcra Hakimiyyəti, kənd ictimaiyyətinin nümayəndələri, şəhidin ailə üzvləri, müharibə iştirakçıları iştirak edib.
Əvvəlcə kənd qəbiristanlığında şəhidin məzarı ziyarət olunub, məzarın üzərinə gül dəstələri düzülüb, ruhuna dualar oxunub.Şəhidin döyüş yolu barədə söhbət açılıb.
Sonra şəhidin evində ehsan süfrəsi təşkil olunub.
Qeyd edək ki, Azərbaycan Respublikası Prezidentinin sərəncamları ilə Neymət Abbasov döyüş şücaətinə görə “Vətən uğrunda “, ”Cəsur döyüşçü”, “Füzulinin azad edilməsi uğrunda“ və “Cəbrayılın azad edilməsi uğrunda “ medalları təltif edilib.
Allah bütün şəhidlərimizə rəhmət eləsin! Ruhları şad olsun!
