Ağdaşda 1 İyun Uşaqları beynəlxalq müdafiə günü qeyd olunub.
01 iyun 2023-cü il tarixdə Heydər parkında rayonun məktəbəqədər uşaq tərbiyə müəssisələri, ümumtəhsil məktəblərinin uşaq və şagirdlərinin iştirakı ilə “Heydər Əliyev ili” çərçivəsində uşaqların beynəlxalq müdafiə gününə həsr edilən bilik və əl işlərindən ibarət sərgi, bədii proqramla müşayiət olunan tədbir keçirilib. İştirakçılar təşkil edilən sərgilərə baxış keçirib. Tədbiri giriş sözü ilə Aran Regional Təhsil İdarəsinin Ağdaş rayonu üzrə təhsil sektorunun müdiri Leyla Bayramova açaraq əlamətdar gün münasibəti ilə tədbir iştirakçılarını təbrik edib. Çıxışı zamanı sektor müdiri 2023-cü il ərzində respublika əhəmiyyətli yarış və müsabiqələrdə rayonu təmsil edən uşaqların uğur və nailiyyətləri barədə geniş məlumat verib. Bədii proqramla davam etdirilən tədbirdə məktəbəqədər uşaq tərbiyə müəssisələrin uşaqları və ümumtəhsil şagirdləri tərəfindən ulu öndər Heydər Əliyev azərbaycançılıq ideologiyasının təbliğinə həsr olunmuş şeyirlər səsləndirilib, mahnılar təqdim olunub. Tədbirdə uşaqların ifasında nümayiş etdirilən Azərbaycan və dünya xalqlarının mahnı və rəqslərindən ibarət müxtəlif səpkili kompozisiyalar izləyicilər arasında xoş ovqat yaradıb, alqışlarla qarşılanıb. Tədbirdə iştirak edən rayon İcra Hakimiyyəti başçısının müavini, İctmai –siyasi və humanitar məsələlər şöbəsinin müdiri Aynur Novruzova uşaqları beynəlxalq müdafiə günü münasibətilə təbrik edərək onlara xoş arzularını çatdırıb.