Yuxarı Şirvan kanalının Ərəbocağı kəndindən keçən hissəsi yenidən qurulur
10 fevral 2025 | 18:35
Prezident İlham Əliyevin 8 aprel 2024-cü il tarixli “Şirvan suvarma kanalının yenidən qurulması haqqında” Sərəncamının icrası işləri çərçivəsində Ağdaş rayonunda su ehtiyatlarından səmərəli istifadə olunması üçün məqsədyöblü işlər aparılır.
Hazırda Yuxarı Şirvan kanalının Ağdaş rayonunun Ərəbocağı kəndindən keçən hissəsinin yenidən qurulması işləri aparılır. Təmir işləri Dövlət Su Ehtiyatları Agentliyinin sifarişi əsasında podratçı təşkilat olan “Muğan Su Tikinti” MMC tərəfindən yerinə yetirilir.
Kanalın rayon ərazisindən keçən hissəsində torpaq məcrası normal vəziyyətə gətirilir, habelə kanal üzərində yerləşən su qurğularının işləkliyi təmin edilir, təsərrüfatların su təchizatının yaxşılaşdırılması üçün müvafiq işlər aparılır.
Keçidlər
