Yuxarı Ləki kəndində şəhidlərimiz Mənsur Məmmədovun və Əfqan Musayevin ailələri ziyarət edilib
18 fevral 2025 | 18:54
Fevralın 18-də Ağdaş Rayon İcra Hakimiyyətinin başçısı Orxan Hüseynzadə rayonun Yuxarı Ləki kəndində Birinci Qarabağ müharibəsi şəhidləri Məmmədov Mənsur Pənah oğlunun və Musayev Əfqan Tofiq oğlunun ailələrini ziyarət edib.
Görüşlərdə şəhidlərimiz Mənsur Məmmədovun və Əfqan Musayevin keçdikləri şərəfli döyüş yolundan bəhs olunub, onların əziz xatirəsinin xalqımızın qəlbində daim yaşayacağı vurğulanıb.
Hər iki ailənin qayğıları da öyrənilib, ölkəmizin ərazi bütövlüyü uğrunda canından keçmiş şəhidlərimizin ailələrinin hər zaman dövlət tərəfindən sosial dəstəklə əhatə olunduqları qeyd olunub.
Şəhid ailələri onlara göstərilən diqqət və qayğıdan razılıqlarını bildirib, onlara göstərilən diqqət və qayğıya görə Azərbaycan Respublikasının Prezidenti cənab İlham Əliyevə və Birinci vitse-prezident Mehriban xanım Əliyevaya minnətdarlıqlarını ifadə ediblər.
Allah bütün şəhidlərimizə rəhmət eləsin!
Keçidlər
