Tatlar kəndində şəhid Yusif Nəbiyevin ailəsi ziyarət olunub.
10 oktyabr 2023-cü il tarixində Ağdaş rayonunun Tatlar kəndində doğulub boya-başa çatmış, 44 günlük Vətən Müharibəsində şəhidlik zirvəsinə ucalan Nəbiyev Yusif Elton oğlunun şəhadətə yüksəlməsinin üçüncü ildönümü ilə əlaqədar ailəsinə baş çəkilib. Anım tədbirində rayon İcra Hakimiyyəti başçısının birinci müavini İsmayıl Yusifzadə, Səfərbərlik və Hərbi Xidmətə Çağırış üzrə Dövlət Xidmətinin rayon şöbəsinin rəisi Nizami Heybətov, Yeni Azərbaycan Partiyası Ağdaş rayon təşkilatının məsul işçiləri, ictimaiyyətin nümayəndələri, kənd sakinləri, şəhidin doğmaları iştirak edib. Şəhidin keçdiyi döyüş yolundan, göstərdiyi şücaət və qəhrəmanlıqlarından söhbət açılıb, ruhuna dualar oxunub. Vurğulanıb ki, şəhidlərimizin əziz xatirəsi xalqımızın qəlbində əbədi olaraq yaşayacaqdır.
Allah bütün şəhidlərimizə rəhmət eləsin.
