Şəhid Yusif Nəbiyevin ailəsi ziyarət olunub
02 aprel 2025 | 18:10
Ağdaş Rayon İcra Hakimiyyətinin başçısı Orxan Hüseynzadə rayonun Tatlar kəndində Vətən Müharibəsi şəhidi Nəbiyev Yusif Elton oğlunun ailəsini ziyarət edib, onların qayğıları ilə maraqlanıb.
Görüşdə şəhidlərimizin torpaqlarımızın azad olunması uğrunda döyüşlərdə göstərdiyi şücaətlərdən bəhs olunub. Şəhid ailələrinin sosial müdafiəsinin gücləndirilməsi sahəsində ardıcıl tədbirlərin həyata keçirildiyi, hər bir şəhid ailəsinin dövlət qayğısı ilə əhatə olunduğu vurğulanıb.
Şəhidin ailə üzvləri onlara göstərilən diqqət və qayğıya görə Prezident İlham Əliyevə və Birinci vitse-prezident Mehriban xanım Əliyevaya minnətdarlıqlarını ifadə ediblər.
Allah bütün şəhidlərimizə rəhmət eləsin!
Keçidlər
