Şəhid Rəcəb Məmmədovun xatirəsi yad edilib.
9 noyabr 2024-cü il tarixində Ağdaş rayonunun Orta Ləki kəndində doğulub boya-başa çatmış, 44 günlük Vətən müharibəsində ölkəmizin suverenliyi və ərazi bütövlüyü uğrunda gedən döyüşlərdə qəhrəmancasına şəhid olan Məmmədov Rəcəb Yolçu oğlunun şəhadətə yüksəlməsinin növbəti ildönümü ilə əlaqədar ailəsi ziyarət olunub.
İl mərasimində Ağdaş Rayon İcra Hakimiyyətinin başçısı Orxan Hüseynzadə, Milli Məclisin deputatı Sahib Alıyev, rayon İcra Hakimiyyətinin məsul əməkdaşları, ictimaiyyətin nümayəndələri, şəhidin doğmaları və yaxınları iştirak edib.
Rayon rəhbərliyi şəhid ailəsinin qayğıları ilə yaxından maraqlanıb, şəhidin keçdiyi döyüş yolundan, Vətənə olan sevgisindən söhbət açılıb, əziz xatirəsi yad edilib.
Şəhid ailəsinin üzvləri onlara göstərilən diqqət və qayğıya görə Azərbaycan Respublikasının Prezidenti cənab İlham Əliyevə minnətdarlıqlarını ifadə ediblər.
Allah bütün şəhidlərimizə rəhmət eləsin!
