Şəhid Nüsrət Niftalıyevin ildönümü keçirildi.
17 yanvar 2023 | 16:49
17 yanvar 2023-cü il tarixdə Ağdaş rayonunun Pirəzə kəndində doğulub boya-başa çatmış, Birinci Qarabağ müharibəsində şəhidlik zirvəsinə ucalan Niftalıyev Nüsrət Niftalı oğlunun ildönümü ilə əlaqədar məzarı ziyarət olunub, ruhuna dualar oxunub. Anım tədbirində rayon İcra Hakimiyyətinin məsul əməkdaşları, ictimaiyyətin nümayəndələri, məktəblilər, şəhidin doğmaları və kənd sakinləri iştirak ediblər. Tədbirdə Dövlət Himni səsləndirilib, ölkəmizin ərazi bütövlüyü uğrunda şəhid olan qəhrəman oğulların xatirəsi bir dəqiqəlik sükutla yad edilib. Şəhidlərin xatirə lövhəsinin qarşısında məktəblilərin təqdimatında vətənpərvərlik mövzusunda kompozisiya nümayiş etdirilib. Allah bütün şəhidlərimizə rəhmət eləsin! Ruhları şad olsun!
Keçidlər
