Şəhid Məhəmməd Nəbiyevin xatirəsi anıldı.
12 yanvar 2023-cü il tarixdə Ağdaş rayonunun Orta Ləki kəndində doğulub boya-başa çatmış, birinci Qarabağ müharibəsində şəhidlik zirvəsinə ucalan Nəbiyev Məhəmməd Əşrəf oğlunun ildönümü ilə əlaqədar məzarı ziyarət olunub, ruhuna dualar oxunub. Tədbirdə Dövlət Himni səsləndirilib. Ölkəmizin ərazi bütövlüyü və suverenliyi uğrunda şəhid olan qəhrəman oğulların xatirəsi bir dəqiqəlik sükutla yad edilib. Orta Ləki kənd tam orta məktəbində çalışmış şəhid müəllimin pedaqoji fəaliyyəti və döyüş yolundan söhbət açılıb, şagirdlərin ifasında kompozisiya nümayiş etdirilib. Anım tədbirində rayon İcra Hakimiyyətinin məsul əməkdaşları, ictimaiyyətin nümayəndələri, məktəblilər, şəhidin doğmaları və kənd sakinləri iştirak ediblər. Allah bütün şəhidlərimizə rəhmət eləsin! Ruhları şad olsun!
