Şəhid İqbal Rzayevin ailəsi ziyarət edilib

24 yanvar 2025 | 18:10

Ağdaş rayon İcra Hakimiyyətinin başçısı Orxan Hüseynzadə Azərbaycan Respublikasının Silahlı Qüvvələri tərəfindən 2023-cü ilin sentyabr ayında həyata keçirilmiş uğurlu lokal antiterror tədbirləri zamanı şəhadətə yüksələn Rzayev İqbal İlham oğlunun ailəsini ziyarət edib.

Şəhid İqbal Rzayev Azərbaycan Respublikasının Prezidenti cənab İlham Əliyevin Sərəncamları ilə ölümündən sonra 3-cü dərəcəli “Vətənə xidmətə görə” ordeni və “Vətən uğrunda” medalı ilə təltif edilib.

Görüşdə antiterror əməliyyatının gedişi zamanı şəhidlik zirvəsinə ucalan qəhrəman hərbçilərimizin, o cümlədən İqbal Rzayevin şücaətlərindən bəhs olunub, xatirələri ehtiramla anılıb, ruhlarına dualar oxunub.

Şəhidin ailəsi onlara göstərilən diqqət və qayğıya görə Prezident, Ali Baş Komandan cənab İlham Əliyevə və Birinci vitse-prezident Mehriban xanım Əliyevaya minnətdarlıqlarını ifadə ediblər.

Allah bütün şəhidlərimizə rəhmət eləsin!

Keçidlər