Şəhid Cəlaləddin Fərhadovun ailəsi ziyarət olunub
12 noyabr 2024 | 15:13
12 noyabr 2024-cü il tarixində Ağdaş şəhərində Vətən müharibəsi şəhidi Fərhadov Cəlaləddin Elxan oğlunun şəhadətə yüksəlməsinin növbəti ildönümü ilə əlaqədar ailəsi ziyarət olunub. İl mərasimində Ağdaş Rayon İcra Hakimiyyətinin başçısı Orxan Hüseynzadə, rayon İcra Hakimiyyətinin məsul əməkdaşları, ictimaiyyət nümayəndələri, şəhidin doğmaları və yaxınları iştirak edib. Şəhid qəhrəmanımızın keçdiyi rəşadətli döyüş yolundan bəhs olunub, onun xatirəsinin daim qəlbimizdə yaşayacağı vurğulanıb. Şəhid ailələrinin dövlət qayğısı ilə əhatə olunduqları qeyd edilib. Rayon rəhbərliyi şəhidin ailəsinin qayğıları ilə yaxından maraqlanıb. Şəhid ailəsinin üzvləri onlara göstərilən diqqət və qayğıya görə Azərbaycan Respublikasının Prezidenti cənab İlham Əliyevə minnətdarlıqlarını ifadə ediblər.
Allah bütün şəhidlərimizə rəhmət eləsin!
Keçidlər
