Şəhid Bəhman Məmmədovun ailəsi ziyarət olunub
13 fevral 2025 | 17:22
Ağdaş Rayon İcra Hakimiyyətinin başçısı Orxan Hüseynzadə Birinci Qarabağ müharibəsində torpaqlarımızın bütövlüyü uğrunda döyüşlərdə şəhidlik zirvəsinə ucalan Məmmədov Bəhman Balakişi oğlunun ailəsini ziyarət edib.
Rayonun Qəribli kəndində yaşayan ailə ilə görüşdə şəhidlərimizin, o cümlədən Bəhman Məmmədovun əziz xatirəsinin qəlbimizdə daim yaşayacağı vurğulanıb. Şəhid ailələrinə, müharibə iştirakçılarına dövlət tərəfindən göstərilən diqqət və qayğıdan bəhs edilib.
Eyni zamanda şəhid ailəsinin qayğıları öyrənilib, onların sosial müdafiəsinin bundan sonra da daim diqqətdə saxlanacağı qeyd olunub.
Şəhidin ailə üzvləri sosial müdafiə tədbirləri ilə əhatə olunduqlarını bildirib, şəhid ailələrinə göstərilən diqqət və qayğıya görə Prezident, Müzəffər Ali Baş Komandan cənab İlham Əliyevə və Birinci vitse-prezident Mehriban xanım Əliyevaya minnətdarlıqlarını ifadə ediblər.
Allah bütün şəhidlərimizə rəhmət eləsin!
Keçidlər
