Rayonun təhsil, səhiyyə və mədəniyyət müəssisələrində Zəfər Günü ilə bağlı tədbirlər keçirilib.
8 Noyabr - Zəfər Günü münasibətilə Ağdaş rayonu ərazisində fəaliyyət göstərən təhsil, səhiyyə və mədəniyyət müəssisələrində şəhid ailələri və qazilərin iştirakı ilə müxtəlif xarakterli silsilə tədbirlər və bilik yarışları keçirilmişdir.
Vətən müharibəsi iştirakçılarının və sözügedən müəssisələrin kollektivlərinin iştirak etdiyi tədbirlərdə Dövlət Himni səsləndirilmiş, Vətən uğrunda canlarını fəda edən şəhidlərin əziz xatirəsi bir dəqiqəlik sükutla yad edilmişdir.
Tədbirlərdə vurğulanmışdır ki, 2020-ci ilin 27 sentyabrında başlanan Vətən müharibəsi Ali Baş Komandan İlham Əliyevin qətiyyəti, xalqın birliyi və Ordumuzun gücü nəticəsində Zəfərlə sona çatmış oldu. Ölkənin 30 ilə yaxındır ki pozulmuş ərazi bütövlüyünün bərpası və xalqımızın mədəniyyət beşiyi hesab olunan Şuşanın azad olunması Prezident İlham Əliyevin Zəfər zirvəsidir. Bu möhtəşəm Zəfərin əldə olunması 3 min nəfər şəhidimizin qanı bahasına başa gəlib. Biz daim onların müqəddəs ruhu qarşısında baş əyir, xatirələrini dərin ehtiramla yad edir, qazilərimizə cansağlığı arzulayırıq.
Tədbirlərdə vətənpərvərlik mövzusunda videçarxlar nümayiş etdirilib, Vətən müharibəsi iştirakçılarının döyüş yolu onların öz dilindən dinlənilib.
