Pirəyir kəndində şəhid Siyasət Mustafayevin ailəsi ziyarət olunub.
28 sentyabr 2022-ci il tarixdə Ağdaş rayonunun Pirəyir kəndində şəhid Mustafayev Siyasət Akif oğlunun şəhadətə yüksəlməsinin ikinci ildönümü ilə bağlı ailəsi ziyarət olunub. İl mərasimində rayon İcra Hakimiyyəti başçısının birinci müavini İsmayıl Yusifzadə, Milli Məclisin deputatı Cavid Osmanov, Yeni Azərbaycan Partiyası rayon təşkilatının sədri Əlişah Rəcəbov, Səfərbərlik və Hərbi Xidmətə Çağırış üzrə Dövlət Xidmətinin rayon şöbəsinin rəisi Nizami Heybətov, ictimaiyyətin nümayəndələri, şəhid ailələrinin üzvləri, qazilər və müharibə iştirakçıları iştirak edib. Rayon ictimaiyyətinin nümayəndələri tərəfindən şəhidin məzarına baş çəkilib, ruhuna dualar oxunub, döyüş yolu barədə söhbət açılıb. Allah bütün şəhidlərimizə rəhmət eləsin! Ruhları şad olsun!
