İşçi qrupları ilə görüş keçirilmişdir.
17 fevral 2025-ci il tarixində Ağdaş Rayon İcra Hakimiyyətinin başçısı Orxan Hüseynzadənin rəhbərliyi ilə rayon ərazisində əhalinin fasiləsiz, dayanıqlı elektrik enerjisi və təbii qaz yanacağı ilə təmin olunması məqsədilə yaradılmış işçi qrupları ilə görüş keçirilmişdir.
Rayon İcra Hakimiyyəti başçısının müvafiq sərəncamlarına əsasən rayon ərazisində elektrik və qaz təsərrüfatı subyektlərində mövcud problemlərin, o cümlədən sakinlərin dayanıqlı elektrik enerjisi və təbii qaz təchizatı ilə bağlı daxil olmuş müraciətlərinin araşdırılması, diaqnostikası, təhlili və həlli ilə bağlı geniş müzakirə aparılmışdır.
Rayon İcra Hakimiyyətində keçirilən görüş zamanı təbii qaz və elektrik enerjisi ilə bağlı daxil olmuş müraciətlərinin vaxtında və operativ həll olunması məqsədilə işlək tədbirlər planının hazırlanması və icrasına nəzarətin artırılması tövsiyə olunmuşdur.
