“Heydər Əliyev İli” çərçivəsində Ulu Öndərin adını daşıyan Heydər Əliyev Mərkəzinə rayon gənclərinin ziyarəti davam edir.
“Heydər Əliyev İli” ilə əlaqədar Ulu Öndərin zəngin dövlətçilik irsinin, əbədiyaşar ideyalarının öyrənilməsi və yeni nəslə aşılanması, xalqımız və dövlətimiz qarşısında misilsiz xidmətlərinin geniş ictimaiyyətə çatdırılması məqsədilə rayonda ardıcıl tədbirlər həyata keçirilir. 12 oktyabr 2023-cü il tarixində rayon gənclərinin bir qrupunun Ağdaş rayon Heydər Əliyev Mərkəzinə ziyarəti təşkil olunub. Tədbir iştirakçıları Ulu Öndərin abidəsi önünə gül dəstələri düzüblər. Mərkəzdə gənclərə müstəqil Azərbaycan dövlətinin memarı, ümummilli lider Heydər Əliyevin zəngin həyat yolu və müstəsna fəaliyyəti haqqında geniş məlumat verilib. Gənclər Mərkəzdə ulu öndər Heydər Əliyevin həyat və fəaliyyətinə həsr olunmuş müxtəlif eksponatlar, tarixi sənədlər, Ulu Öndərin Ağdaşa səfərləri barədə guşələri seyr etmiş, fotoşəkillərə tamaşa etmiş və görkəmli dövlət xadiminin xidmətlərini özündə əks etdirən müxtəlif dillərdə nəşr edilmiş kitablarla tanış olublar.
Sonda xatirə fotosu çəkdirilib.
