Gimnaziyada Zəfər gününə həsr olunan tədbir keçirildi.
5 noyabr 2022-ci il tarixində Zəfər günü münasibətilə Ağdaş şəhər M.Şeyxzadə adına texniki, təbiət və humanitar fənlər təmayüllü gimnaziyada Zəfər günü ilə əlaqədar tədbir keçirilib. Tədbirdə şəhid ailələrinin üzvləri, müharibə veteranları, qeyri-hökumət təşkilatlarının nümayəndələri, gimnaziyanın pedaqoji kollektivi və şagirdlərin bir qrupu iştirak edib. Şəhid ailələrinin üzvləri və müharibə veteranları gimnaziyada təhsil alan şagirdlərlə görüşmüş, sonra foyedə şəhidlərin həyat və döyüş yolundan bəhs edən foto albomlara baxış keçiriblər. Gimnaziyanın akt zalında davam etdirilən tədbirdə Dövlət Himni səsləndirilib, şəhidlərin xatirəsi bir dəqiqəlik sükutla yad edilib. Tədbirdə çıxış edənlər Vətən Müharibəsində Azərbaycan Ordusunun rəşadətindən, torpaqlarımızın bütövlüyü uğrunda şəhidlik zirvəsinə ucalanların şərəfli ömür və döyüş yolundan danışıblar. Məktəblilərin ifasında ədəbi-bədii kompozisiya təqdim edilib.
Tədbir çay süfrəsi ətrafında yekunlaşıb.
