Bitki mühafizəsi vasitələrindən və aqrokimyəvi maddələrdən istifadənin təşviqi ilə əlaqədar maarifləndirici tədbir keçirilib.
6 dekabr 2024-cü il tarixində Ağdaş Dövlət Aqrar İnkişaf Mərkəzində bitki mühafizəsi vasitələrindən və aqrokimyəvi maddələrdən normativlərə uyğun istifadənin təşviqi mövzusunda Rayon İcra Hakimiyyəti, Ağdaş Dövlət Aqrar İnkişaf Mərkəzi və Ağdaş Bitki Mühafizə və Fumiqasiya (zərərsizləşdirmə) Mərkəzinin nümayəndələrinin və fermerlərin birgə iştirakı ilə maarifləndirici tədbir keçirilmişdir. Keçirilən tədbir zamanı Rayon İcra Hakimiyyəti başçısının Sosial- iqtisadi inkişafın təhlili və proqnozlaşdırılması şöbəsinin baş məsləhətçisi Ramik Əliyev bitki sağlamlığının təmin olunması, bitki örtüyünün qorunması və inkişafı üçün istifadə olunan bitki mühafizə vasitələri, pestisid və bioloji preparatların saxlanılması və istifadəsi ilə bağlı qaydalara əməl olunması və bu sahədə qəbul olunmuş yeniliklər bərədə fermerlərə geniş və ətraflı məlumat verərək, aidiyyəti idarənin nümayəndələri tərəfindən bitki mühafizəsi vasitələrindən və aqrokimyəvi maddələrdən normativlərə uyğun istifadə ilə bağlı əhali arasında maarifləndirici məlumatların təbliğinin önəmli olduğunu diqqətə çatdırıb.
Görüş zamanı mövzu ətrafında fermerləri maraqlandıran suallar cavablandırılıb.
