Ağdaşda Zəfər Günü münasibətilə bayram konserti və atəşfəşanlıq təşkil olunub
8 noyabr 2024-cü il tarixində Ağdaş rayonunda Ulu Öndər Heydər Əliyevin adını daşıyan parkda Zəfər Gününə həsr olunan bayram konserti təşkil olunub.
Ağdaş Rayon İcra Hakimiyyətinin rəhbərliyi, millət vəkilləri, şəhid ailələrinin üzvləri və müharibə veteranları, rayon sakinlərinin iştirakı ilə keçən tədbirdə Azərbaycanın Dövlət Himni səsləndirilib və şəhidlərimizin xatirəsi bir dəqiqəlik sükutla yad edilib.
Tədbirdə vurğulanıb ki, Ümummilli Lider Heydər Əliyevin müdrik və uzaqgörən siyasətinin Azərbaycan Respublikasının Prezidenti cənab İlham Əliyev tərəfindən yüksək səviyyədə davam və inkişaf etdirilməsi nəticəsində Azərbaycan bütün sahələrdə sürətli tərəqqi yolu keçib. Eyni zamanda ölkəmiz qüdrətli orduya malik olub. 4 il əvvəl Azərbaycan Respublikasının Prezidenti, Müzəffər Ali Baş Komandan cənab İlham Əliyevin rəhbərliyi ilə rəşadətli Ordumuz 44 günlük Vətən müharibəsində şanlı tarix yazaraq möhtəşəm tarixi Zəfər qazanıb. İşğaldan azad edilmiş ərazilərimizdə bu gün şanlı üçrəngli bayrağımızın əzəmətlə dalğalanması, həmin torpaqlarımızda genişmiqyaslı bərpa və quruculuq işlərinin aparılması xalqımız üçün sonsuz qürur mənbəyidir.
İncəsənət ustalarının iştirakı ilə keçirilən konsertdə Zəfər tariximizə həsr olunan vətənpərvərlik mahnılarından ibarət ifalar təqdim olunub və
alqışlarla qarşılanıb.
Tədbir atəşfəşanlıqla yekunlaşıb.
