Ağdaşda yubiley tədbiri keçirilib.
29 dekabr 2022-ci il tarixdə rayon ictimaiyyəti nümayəndələrinin iştirakı ilə rayon Ağsaqqallar şurasının sədri Rafiq Nəbiyevin anadan olmasının 85 illiyinə həsr olunmuş tədbir keçirilib. Yubiley tədbirində çıxış edənlər zəngin həyat yolu keçmiş, uzun illər ərzində rayonun müxtəlif dövlət strukturları, eləcə də peşə və orta ixtisas təhsili müəssisələrində mühəndis-pedaqoji fəaliyyəti ilə fərqlənən, fəal ictimaiyyətçi Rafiq Yusif oğlu Nəbiyevin həyat yoluna nəzər salaraq, onun dövlətçiliyimizin təbliği işindəki səylərinin gənclər üçün bir örnək olduğunu qeyd ediblər. Tədbirdə yubilyara rayon İcra Hakimiyyətinin “Fəxri Fərman”ı təqdim edilib. Yekunda çıxış edən Rafiq Nəbiyev ona göstərilən diqqət və qayğıya görə minnətdarlıq hisslərini ifadə edib.
