Ağdaşda “Uşaq hüquqları aylığı” çərçivəsində tədbirlər keçirilib.
Qeyd etmək lazımdır ki, Azərbaycan Respublikasının İnsan Hüquqları üzrə Müvəkkilinin (Ombudsman) təşəbbüsü ilə hər il ənənəvi olaraq BMT-nin Uşaq Hüquqları Konvensiyasının qəbul edilməsinin ildönümü ərəfəsində 20 oktyabr - 20 noyabr tarixlərində ölkəmizdə “Uşaq hüquqları aylığı” keçirilir.
Cari ilin müvafiq dövründə rayonun təhsil və mədəniyyət müəssisələrində uşaq hüquqlarının təbliği ilə bağlı bir sıra tədbirlər təşkil edilmişdir.
Tədbirlərdə çıxış edənlər BMT-nin Uşaq Hüquqları Konvensiyası və “Uşaq hüquqları haqqında” Azərbaycan Respublikasının Qanunu, uşaq hüquqlarının, o cümlədən uşaqların sağlamlıq hüquqlarının müdafiəsi və təbliği sahəsində Ombudsman tərəfindən həyata keçirilən çoxşaxəli fəaliyyətin əhəmiyyətini vurğulayıblar.
Keçirilən tədbirlərdə aylığın mahiyyətini özündə əks etdirən bir-birindən maraqlı, rəngarəng səhnəciklər, şeirlər, rəsm sərgiləri, musiqilər təqdim edilib, plakatlar nümayiş etdirilib.
