Ağdaşda şəhidin xatirə lövhəsi açılıb.

24 avqust  2022-ci il tarixində rayonun Türyançay qəsəbəsi ərazisində birinci Qarabağ müharibəsində şəhidlik məqamına ucalmış, qəsəbədə doğulub boya-başa çatmış Sahir Mirabdulla oğlu Abdullayevin xatirəsinə inşa edilən lövhənin açılış mərasimi  keçirilib. Tədbirdə rayon icimaiyyətinin, Ağdaş suvarma  sistemləri idarəsinin  nümayəndələri, təhsil və mədəniyyət işçiləri, şəhidin doğmaları və yaxınları iştirak edib. Dövlət Himni səsləndirilib. Torpaqlarımızın bütövlüyü uğrunda şəhidlik zirvəsinə ucalan Vətən oğullarının xatirəsi bir dəqiqəlik sükutla yad edilib, ruhlarına dualar  oxunub. Xatirə lövhəsinin açılışından sonra lövhənin önünə gül dəstələri düzülüb.  Məktəblilərin iifasında  vətənpərvərlik mövzusunda  şeirlər səsləndirilib. Tədbirdə çıxış edənlər birinci Qarabağ və Vətən Müharibəsində şəhidlik məqamına yetişən Azərbaycan oğullarının misilsiz şücaətindən söz açaraq  44 günlük  müharibədə Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin rəhbərliyi altında  Ordumuzun əldə etdiyi böyük Zəfərin əhəmiyyətinə toxunmaqla, belə tədbirlərin gənclərin milli vətənpərvərlik tərbiyəsində  əvəzsiz  rola malik olduğunu  diqqətə çatdırıblar. Şəhidin ailə üzvləri şəhid ailələrinə göstərilən diqqət və qayğıya görə dövlətimizin başçısına  minnətdarlıq hisslərini ifadə ediblər.

Allah bütün şəhidlərə rəhmət etsin.

 Ruhları şad olsun.