Ağdaşda şəhid Emil İsmiyevin ailəsi ziyarət olunub
21 yanvar 2025 | 17:03
Yanvarın 21-də Ağdaş rayon İcra Hakimiyyətinin başçısı Orxan Hüseynzadə Vətən müharibəsinin şəhidi İsmiyev Emil Elman oğlunun ailəsini ziyarət edib, şəhidin ailəsinin qayğıları ilə maraqlanıb.
Görüşdə Emil İsmiyevin həyat yolundan və döyüşlərdə göstərdiyi şücaətlərdən söz açılıb. Şəhid ailələrinə, müharibə iştirakçılarına dövlət tərəfindən göstərilən diqqət və qayğıdan bəhs edilib, şəhidlərin əziz xatirəsinin qəlblərdə daim yaşayacağı bildirilib.
Şəhidin ailə üzvləri onlara göstərilən diqqət və qayğıya görə Prezident, Müzəffər Ali Baş Komandan cənab İlham Əliyevə və Birinci Vitse-prezident Mehriban xanım Əliyevaya minnətdarlıqlarını ifadə ediblər.
Görüşdən sonra şəhid Emil İsmiyevin məzarı da ziyarət olunub.
Allah bütün şəhidlərimizə rəhmət eləsin! Ruhları şad olsun!
Keçidlər
