Ağdaşda iftar süfrəsi təşkil olunub
28 mart 2025 | 21:00
Martın 28-də müqəddəs Ramazan ayı münasibətilə Ağdaş Rayon İcra Hakimiyyətinin təşkilatçılığı ilə iftar süfrəsi təşkil olunub. Tədbirdə rayon rəhbərliyi, şəhid ailələri, müharibə iştirakçıları, rayon ictimaiyyətinin nümayəndələri iştirak ediblər.
Ağdaş rayon İcra Hakimiyyətinin başçısı Orxan Hüseynzadə Ramazan ayının mənəvi dəyərlərini vurğulayıb, bu ayın insanlar arasında həmrəyliyi, mərhəməti və xeyirxahlığı daha da gücləndirdiyini bildirib. O, dövlətimizin daim həssas əhali qruplarına, o cümlədən şəhid ailələri və müharibə iştirakçılarına xüsusi diqqət və qayğı göstərdiyini diqqətə çatdırıb.
Vurğulanıb ki, milli və dini tolerantlığın hökm sürdüyü Azərbaycan Respublikasında bütün dini bayramlar, o cümlədən də Ramazan bayramı hər il yüksək səviyyədə qeyd edilir.
Ramazan həmrəylik, dostluq, qardaşlıq, sevgi, mərhəmət və ruzi ayıdır. Bu ay ərzində ölkəmizdə təşkil olunan iftar süfrələri də ənənəvi tolerantlığı və sıx birliyi nümayiş etdirir.
Tədbirdə Qurani-Kərimdən ayələr oxunub, dualar səsləndirilib.
Keçidlər
