Ağdaşda ekoloji aksiya keçirilib.
2 sentyabr 2023-cü il tarixində Azərbaycan Respublikası Ekologiya və Təbii Sərvətlər Nazirliyi və Ağdaş Rayon İcra Hakimiyyətinin birgə təşkilatçılığı ilə Türyançay çayının rayon ərazisindəki çirklənmiş sahələrində təmizlik aksiyası keçirilmişdir. Keçirilən ekoloji aksiyada “ASAN” könüllüləri, 8 saylı Regional Ekologiya və Təbii Sərvətlər İdarəsi, Ağdaş Suvarma Sistemləri İdarəsi və Ağdaş Kommunal Müəssisələr Kombinatının əməkdaşları iştirak etmiş, çay sahili boyu ərazilərdə tullantılar, xüsusilə də, plastik, şüşə qablar, polietilen torbalar tullantı torbalarına toplanılmış və aidiyəti üzrə tullantıların çeşidlənmə məntəqəsinə təhvil verilmişdir. İştirakçılar arasında məişət tullantılarının düzgün idarə olunması sahəsində zəruri maarifləndirmə işləri aparılmışdır.
