Ağdaşda ağacəkmə aksiyası keçirilib

18 noyabr 2024 | 17:09

Ağdaş Rayon İcra Hakimiyyəti və Mərkəzi Aran Regional Mədəniyyət İdarəsinin birgə təşkilatçılığı ilə rayonun Qarağan Şıxlar kəndində ağacəkmə aksiyası keçirilib.

“Yaşıl dünya naminə həmrəylik ili” çərçivəsində təşkil edilən və ölkəmizin ev sahibliyi etdiyi COP29 tədbirinə həsr olunan tədbirdə rayon İcra Hakimiyyətinin başçısı Orxan Hüseynzadə, İcra Hakimiyyətinin, mədəniyyət müəssisələrinin nümayəndələri iştirak edib. Ərazinin yaşıllaşdırılması məqsədilə keçirilən aksiya zamanı müxtəlif növ ağaclar əkilib.

Ekoloji vəziyyətin sağlamlaşdırılması, cəmiyyətdə təbiətə qayğının təbliğ edilməsi, ətraf mühitin qorunmasına töhfə vermək məqsədi daşıyan yaşıllaşdırma tədbirlərinin bundan sonra da davam etdirilməsi nəzərdə tutulub.

Keçidlər