Ağdaş rayonunda infrastrukturun yaxşılaşdırılması istiqamətində tədbirlər davam etdirilir
01 iyul 2026 | 17:05
Ağdaş rayonunun Pirəyir kəndində əhalinin içməli su ilə təminatının yaxşılaşdırılması istiqamətində müvafiq işlər həyata keçirilib.
Görülən işlər çərçivəsində kənd ərazisində 194 fərdi yaşayış evinə və 2 şəhid bulağına su xətləri çəkilib. Eyni zamanda, fərdi yaşayış evlərində su sayğacları quraşdırılıb.
Su xətlərinin çəkilişi başa çatdıqdan sonra ərazidə abadlıq-bərpa işləri də aparılıb. Belə ki, təqribən 3 kilometr kəndarası yola çınqıl döşənərək hamarlanıb və nəqliyyatın rahat hərəkəti üçün əlverişli vəziyyətə gətirilib.
Qeyd olunan işlər Ağdaş Su Meliorasiya Sistemlərinin İstismarı İdarəsi tərəfindən həyata keçirilib.
Keçidlər
