Ağdaş rayonu Pirəzə kəndində şəhidin anım günü keçirildi.
30 noyabr 2022-ci il tarixdə Ağdaş rayonunun Pirəzə kəndində doğulub boya-başa çatmış, 44 günlük Vətən Müharibəsində şəhidlik zirvəsinə ucalan Əhmədov Elnur Ehtibar oğlunun şəhadətə yüksəlməsinin ikinci ili ilə əlaqədar ailəsinə baş çəkilib, məzarı ziyarət olunmuş, adına inşa edilmiş xatirə kompleksinin təntənəli açılışı olmuşdur. Şəhidin ruhuna dualar oxunub, məktəblilərin ifasında kompozisiya nümayiş etdirilib,şəhidin döyüş yolundan söhbət açılıb. Anım tədbirində rayon İcra Hakimiyyəti başçısının birinci müavini İsmayıl Yusifzadə, Səfərbərlik və Hərbi Xidmətə Çağırış üzrə Dövlət Xidmətinin rayon şöbəsinin əməkdaşları, ictimaiyyətin nümayəndələri, şəhid ailələrinin üzvləri, qazilər, müharibə iştirakçıları iştirak ediblər.
Allah bütün şəhidlərimizə rəhmət eləsin! Ruhları şad olsun!
