Ağdaş rayon İcra Hakimiyyətinin başçısı Tofiq İbrahimov 2024-cü ildə təsdiq olunmuş qrafikə uyğun olaraq növbəti səyyar qəbulu Şordəhnə kənd sakinləri ilə keçirdi.
Görüşdə rayonun hüquq-mühafizə orqanlarının, idarə, müəssisə və xidmət təşkilatlarının rəhbərləri, Şordəhnə kənd sakinləri iştirak edirdilər. Ağdaş rayon İcra Hakimiyyətinin başçısı Tofiq İbrahimov respublikamızda olduğu kimi Ağdaş rayonunda da həyata keçirilən sosial-iqtisadi və infrastruktur layihələrdən danışdı. Rayon rəhbəri əhalinin sosial problemlərinin həlli istiqamətində həyata keçirilən tədbirlər və bu sahədə qarşıda duran vəzifələr barədə də ətraflı məlumat verdi. Səyyar qəbulda sakinləri narahat edən müxtəlif məsələlər – torpaq sahəsinin sərhədlərinin dəqiqləşdirilməsi, kəndin elektrik təsərrüfatının yenilənməsi, maddi yardım, internet xəttinin çəkilməsi, xəstəliyinin müalicəsi və digər mövzulara rayon rəhbəri tərəfindən aydınlıq gətirildi, müvafiq izahatlar verildi və qaldırılan məsələlərin həlli istiqamətində əlaqədar qurum və təşkilatların rəhbərlərinə yerindəcə tapşırıqlar verilmişdir.
