Ağdaş rayon İcra Hakimiyyətinin başçısı vətəndaş qəbulu keçirib
11 noyabr 2024 | 17:48
11 noyabr 2024-cü il tarixində Ağdaş Rayon İcra Hakimiyyətinin başçısı Orxan Hüseynzadə tərəfindən vətəndaşların qəbulu keçirilib.
Görüşdə rayonun idarə, müəssisə və təşkilatlarının rəhbərlərinin iştirakı ilə keçən qəbul zamanı rayon sakinlərinin elektrik təsərrüfatının yenilənməsi, maddi yardım, küçələrin cari və əsaslı təmiri, icarəyə torpaq sahəsinin verilməsi, işlə təminat və s. məsələlərlə əlaqədar müraciətləri dinlənilib.
Bir sıra müraciətlərdə əksini tapan məsələlər yerindəcə həll olunub. İcrası üçün vaxt və aidiyyatı araşdırma tələb olunan məsələlərlə bağlı aidiyyəti qurumların rəhbərlərinə müvafiq tapşırıqlar verilərək icrası nəzarətə götürülüb. Vətəndaşlara müraciət etdikləri ayrı-ayrı məsələlərlə bağlı qanunvericiliyə uyğun izahatlar da verilib.
Keçidlər
