Ağdaş Rayon İcra Hakimiyyətində növbəti vətəndaş qəbulu keçirilib
Ağdaş Rayon İcra Hakimiyyətinin başçısı Orxan Hüseynzadənin iyunun 5-də keçirdiyi növbəti vətəndaş qəbulu rayon sakinlərinin müraciətlərinin operativ və koordinasiyalı şəkildə həllinə yönəlib. Əhalinin problemlərini yerindəcə öyrənmək məqsədilə təşkil olunan bu fərdi görüşdə operativliyi təmin etmək üçün rayonun aidiyyəti idarə, müəssisə və təşkilat rəhbərləri də tam heyətlə iştirak ediblər. Qəbul çərçivəsində sakinlər tərəfindən qaldırılan torpaq sahələrinin sərhədlərinin dəqiqləşdirilməsi, icarəyə torpaq verilməsi, həmçinin tibbi müayinə və müalicə kimi müxtəlif xarakterli müraciətlər ətraflı dinlənilib. Daxil olan müraciətlərin bir qismi elə yerindəcə öz müsbət həllini tapsa da, araşdırılması xüsusi vaxt tələb edən digər məsələlərin icrası nəzarətə götürülərək aidiyyəti qurumların rəhbərlərinə konkret tapşırıqlar verilib, eyni zamanda vətəndaşlara mövcud qanunvericiliyin tələblərinə uyğun müvafiq izahatlar çatdırılıb.
