Ağdaş Rayon İcra Hakimiyyəti başçısı yanında şuranın növbəti iclası keçirilib
Martın 12-də Ağdaş Rayon İcra Hakimiyyəti başçısı yanında fəaliyyət göstərən Şuranın növbəti iclası keçirilib.
İclasda Şuranın üzvləri, rayon İcra Hakimiyyətinin əməkdaşları, hüquq-mühafizə orqanlarının rəhbərləri, rayon İcra Hakimiyyəti başçısının inzibati ərazi dairəsi üzrə nümayəndələri, yerli bələdiyyə sədrləri, idarə, müəssisə və təşkilatların rəhbərləri iştirak edib.
Ağdaş Rayon İcra Hakimiyyətinin başçısı Orxan Hüseynzadə Şuranın gündəliyinə daxil olan məsələlər barədə məlumat verib.
İdarə, müəssisə və təşkilat rəhbərlərinin görülmüş işlər, qarşıda duran vəzifələr, həmçinin rayonun təhsil müəssisələrinin ətrafında yol hərəkətinin təhlükəsizliyinin təşkili, uşaq və yeniyetmələrin yol hərəkəti ilə bağlı həyat və sağlamlıqlarının qorunmasına dair hesabatları dinlənilib.
Eyni zamanda iclasda yazın gəlişi ilə əlaqədar aidiyyəti qurumlara abadlıq-təmizlik işləri ilə bağlı müvafiq tapşırıqlar verilib.
