Ağdaş məktəblərində yol hərəkətində təhlükəsizliklə bağlı məşğələlər keçirilmişdir.
Ağdaş rayon Məktəblərdə tədris prosesində aşağı siniflərdən başlayaraq 9-cu sinifə qədər demək olar ki, hər sinifdə yol hərəkətinin təhlükəsizliyi qaydalarına həsr olunan məşğələlər keçirilir. Yol mədəniyyəti haqqında şagirdlərə müəyyən bilgilər verilir, yol nişanları, yol hərəkəti qaydaları öyrədilir. Uşaqlara maarifləndirici videoçarxlar, qısametrajlı filmlər vasitəsilə məlumatlar çatdırılır. 2024-cü ildə məktəblərdə yol hərəkəti qaydalarına həsr edilmiş 14 tədbir keçirilmişdir. Tədris məşğələlərində məktəblilərə piyada zolaqlarından, işıqforun rənglərindən, yol nişanlarından necə istifadə olunması qaydaları izah edilir. Şagirdlər kitabda öyrəndiklərini, eləcə də müəllimin söylədiklərini kompyuter texnologiyaları vasitəsilə əyani formada görüb tətbiq edirlər.
