Şəhid Xəyal İdrisovun doğum günü qeyd olundu.

24  fevral 2022-ci il tarixdə torpaqlarımızın bütövlüyü uğurunda gedən döyüşlərdə qəhrəmancasına şəhid olan, Ərəbocağı kəndində doğulub boya-başa çatmış İdrisov Xəyal İbrahim oğlunun doğum günü münasibətilə kəndin mərkəzində Ərəbocağı şəhidlərinin xatirəsinə inşa edilən xatirə bulağının açılış mərasimi keçirildi.
Tədbirdə rayon İcra Hakimiyyətinin əməkdaşları, Səfərbərlik və Hərbi Xidmətə Çağırış üzrə Dövlət Xidmətinin rayon şöbəsinin məsul işçiləri, Dini Qurumlarla İş üzrə Dövlət Komitəsinin Ağdaş rayonu üzrə nümayəndəliyinin təmsilçisi, Gənclər və İdman İdarəsinin kollektivi, kənd ictimaiyətinin  nümayəndələri, məktəblilər, şəhidlərin ailə üzvləri, döyüş yoldaşları və yaxınları  iştirak edirdi.
Tədbirdə Dövlət himni səsləndirildi.
Şəhidlərin xatirəsi bir dəqiqəlik sükutla yad edildi.
Rayon Mədəniyyət Mərkəzinin dəstəyi ilə məktəblilərin ifasında bədii kompozisiya nümayiş etdirildi .
Daha sonra tədbir şəhidlərin uyuduğu Ərəbocağı qəbiristanlığında davam etdirildi.  Şəhid məzarlarının üzərinə tər gül dəstələri düzüldü. Şəhidlərin döyüş yolundan söhbət açıldı, ruhlarına  dualar oxundu.
Kənd məsçidində ehsan süfrəsi təşkil edildi.
Qeyd edək ki, 44 günlük Vətən Müharibəsində göstərdiyi qəhrəmanlığına görə  İdrisov Xəyal İbrahim oğlu Azərbaycan Respublikasının Prezidenti, Silahlı  Qüvvələrin Ali Baş Komandanı cənab İlham Əliyevin müvafiq sərəncamları ilə  ölümündən sonra “Vətən uğrunda”, “Cəsur döyüşçü” və “Suqovuşanın azad olunmasına görə” medalları ilə təltif edilib. 
Allah bütün şəhidlərə rəhmət eləsin!