Ağdaş rayon Mədəniyyət Mərkəzində 20 Yanvar faciəsinə həsr olunmuş tədbir keçirilib.
18 yanvar 2022-ci il tarixində Ağdaş rayon Mədəniyyət Mərkəzində 20 Yanvar faciəsinin otuz ikinci ildönümünə həsr olunmuş ədəbi-bədii kompozisiya keçirilib.
Karantin rejiminin tələbləri çərçivəsində təşkil olunmuş tədbirdə ilk öncə Dövlət Himni səsləndirilib, torpaqlarımızın azadlığı uğrunda canından keçərək şəhidlik zirvəsinə ucalmış qəhrəmanların əziz xatirəsi bir dəqiqəlik sükutla yad edilib.
Daha sonra Mədəniyyət Mərkəzinin əməkdaşları və rayon məktəblilərinin ifasında 20 Yanvar faciəsinə və şəhidlərə həsr olunmuş şeirlər səsləndirilib, “Xalq teatrı”nın təqdimatında “Şəhidlər Xiyabanında bir gün” adlı səhnəcik nümayiş etdirilib.
Tədbirdə gənc rəssamların əl işlərindən ibarət rəsm sərgisi nümayiş etdirilib.
Sonda sərgilərə baxış keçirilib.
