Şıxlı kəndində şəhidin il mərasimi keçirildi.
17 dekabr 2021-ci il tarixdə Ağdaş rayonunun Şıxlı kəndində doğulub boya-başa çatmış, 44 günlük Vətən Müharibəsində şəhidlik zirvəsinə ucalan Osmanov Əyyub Azər oğlunun il mərasimi keçirilib.
Mərasimdə rayon İcra Hakimiyyəti, Səfərbərlik və Hərbi Xidmətə Çağırış üzrə Dövlət Xidmətinin rayon şöbəsinin əməkdaşları, kənd ictimaiyyətinin nümayəndələri, şəhid ailələrinin üzvləri, qazilər, müharibə iştirakçıları və gənclər təşkilatlarının nümayəndələri iştirak edib.
Əvvəlcə şəhidin məzarı ziyarət olunub. Sonra şəhidin evində ehsan mərasimi təşkil olunub.
Mərasimdə Dövlət Himni səsləndirilib, şəhidlərin xatirəsi bir dəqiqəlik sükutla yad edilib, ruhlarına dualar oxunub.
Çıxış edənlər şəhid Əyyub Osmanovun döyüş yolu və vətənpərvərliyindən söhbət açıblar.
Allah bütün şəhidlərimizə rəhmət eləsin! Ruhları şad olsun!
