Nehrəxəlil kəndində şəhidin il mərasimi keçirildi.
14 dekabr 2021-ci il tarixdə Ağdaş rayonunun Nehrəxəlil kəndində doğulub boya-başa çatmış, 44 günlük Vətən Müharibəsində şəhidlik zirvəsinə ucalan Çələbili Vüqar Fərəcullah oğlunun il mərasimi keçirilib.
Mərasimdə rayon İcra Hakimiyyəti, Səfərbərlik və Hərbi Xidmətə Çağırış üzrə Dövlət Xidmətinin rayon şöbəsinin əməkdaşları, kənd ictimaiyyətinin nümayəndələri, şəhid ailələrinin üzvləri, qazilər, müharibə iştirakçıları və gənclər təşkilatlarının nümayəndələri iştirak edib.
Əvvəlcə şəhidin məzarı ziyarət olunub. Tədbirdə Dövlət Himni səsləndirilib, şəhidlərin xatirəsi bir dəqiqəlik sükutla yad edilib, ruhlarına dualar oxunub və məktəblilərin ifasında bədii kompozisiya nümayiş etdirilib. Çıxış edənlər şəhid Vüqar Çələbilinin döyüş yolu və vətənpərvərliyindən söhbət açıblar.
Sonra şəhidin evində ehsan mərasimi təşkil olunub, rayon rəhbərliyi tədbirdə iştirak edib.
Allah bütün şəhidlərimizə rəhmət eləsin! Ruhları şad olsun!
