Rayonda xatirə bulaqlarının açılışları keçirildi.
5 okyabr 2021-ci il tarixdə Ağdaş rayonunun Xosrov və Qaradeyin kəndlərində doğulub boya-başa çatmış, 44 günlük Vətən Müharibəsində şəhidlik zirvəsinə ucalan Vəliyev Sadiq Ayaz oğlunun il mərasimi və Məsimov Əkbər Yunis oğlunun doğum günü münasibəti ilə xatirə bulaqlarının açılış mərasimləri keçirilib.
Mərasimlərdə rayon İcra Hakimiyyəti başçısının birinci müavini İsmayıl Yusifzadə, Milli Məclisin deputatı Cavid Osmanov, hüquq-mühafizə orqanlarının rəhbərləri, Səfərbərlik və Hərbi Xidmətə Çağırış üzrə Dövlət Xidmətinin rayon şöbəsinin rəisi, ictimaiyyətin nümayəndələri, şəhid ailələrinin üzvləri, gənclər, qazilər, müharibə iştirakçıları, şəhidlərin döyüşçü yoldaşları iştirak edib.
Tədbirdən öncə şəhidlərin məzarları ziyarət olunub, ruhlarına dualar oxunub.
Xatirə bulaqlarının açılışında şəhidlərin döyüş yolundan söhbət açılıb, ruhlarına dualar oxunub. Məktəblilərin ifasında bədii kompozisiya təqdim olunub.
Şəhidlərin doğmaları və yaxınları onlara göstərilən diqqət və qayğıya görə dövlət başçısına minnətdarlıqlarını bildiriblər.
Bir qrup şəhid ailələrinə medallar təqdim edilib.
Allah bütün şəhidlərimizə rəhmət eləsin! Ruhları şad olsun!
