Rayonun Xosrov və İkinci Aral kəndlərində şəhid ailələri ziyarət olundu.
15 sentyabr 2021-ci il tarixdə “Anım Günü” ərəfəsində 44 günlük Vətən Müharibəsində ölkəmizin ərazi bütövlüyü və suverenliyi uğrunda böyük rəşadət və fədakarlıq nümunəsi göstərərək şəhidlik zirvəsinə ucalan Xosrov kəndindən olan şəhid Vəliyev Sadiq Ayaz oğlu, şəhid Məmmədov Kənan Bəhruz oğlu və İkinci Aral kəndindən olan şəhid Həsənov Rəvan Rövşən oğlunun rayon İcra Hakimiyyəti və ictimaiyyətin nümayəndələri tərəfindən məzarları ziyarət olunmuş, ruhlarına dualar oxunmuşdur.
Sonra şəhidlərin ailələrinə baş çəkilmiş, çay süfrəsi ətrafında onların döyüş yolu barədə söhbət aparılmış, şəhidlərin xatirəsi ehtiramla yad edilmiş, belə fədakar övladlar böyütdüklərinə görə şəhid valideynlərinə minnətdarlıq bildirilib.
Görüşdə şəhid ailələri onlara göstərilən diqqət və qayğıya görə dövlət başçısı cənab İlham Əliyevə öz minnətdarlıq hisslərini ifadə ediblər.
Sonda şəhid ailələrinə ərzaq sovqatı təqdim edilib.
