Şəhidin ad günü qeyd olundu.
4 avqust 2021-ci il tarixdə torpaqlarımızın bütövlüyü uğurunda gedən döyüşlərdə qəhrəmancasına şəhid olan Ağdaş rayonu Qaradeyin kənd sakini Abbasov Nemət Elçin oğlunun doğum günü məzarı önündə qeyd olundu.
Tədbirdə kənd ictimaiyyətinin nümayəndələri, şəhidin ailə üzvləri, ağsaqqallar iştirak edirdilər.
Tədbirdə şəhidin əziz xatirəsi ehtiramla yad olunub, məzarı üzərinə gül dəstələri düzülüb. Döyüş yolundan söhbət açılıb, ruhuna dualar oxunub.
Qeyd edək ki, Nemət Elçin oğlu Abbasov 44 günlük Vətən müharibəsində göstərdiyi qəhrəmanlığına görə Azərbaycan Respublikasının Prezidenti, Silahlı Qüvvələri Ali Baş Komandanı cənab İlham Əliyevin müvafiq sərəncamları ilə “Vətən uğrunda” və “Füzulinin azad edilməsi uğrunda” medalları ilə təltif edilib.
