Rayonda Vətən müharibəsində iştirak etmiş təhsil işçiləri təltif edilib.
Ağdaş Rayon Təhsil Şöbəsində Vətən müharibəsində iştirak etmiş təhsil işçiləri ilə görüş keçirilib.
Görüşdə rayon Təhsil Şöbəsinin rəhbərliyi Vətən Müharibəsində Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin rəhbərliyi altında müzəffər Azərbaycan ordusunun əldə etdiyi Böyük Qələbə münasibətilə tədbir iştirakçılarını təbrik edib, bu böyük zəfərin əldə olunmasında bütün Azərbaycan xalqı kimi təhsil işçilərinin də öz payı olduğunu xüsusi ilə diqqətə çatdırıb.
Bildirilib ki, 44 günlük müharibə ərzində təhsil işçilərindən 12 nəfər erməni təxribatçılarına qarşı döyüş əməliyyatlarında iştirak edib, Qələbənin əldə olunmasına öz töhfələrini verib.
Görüş zamanı müharibə iştirakçıları öz xatirələrini bölüşüblər.
Tədbirin sonunda Azərbaycan Respublikasının ərazi bütövlüyünün bərpa edilməsində vəzifə borcunu ləyaqətlə və vicdanla yerinə yetirmiş təhsil işçilərinə xatirə hədiyyəsi və mükafatlar təqdim olunmuşdur.
