Rayonda reydlər davam etdirilir.
Ağdaş rayon İcra Hakimiyyəti yanında koronavirus infeksiyasına (COVİD-19) qarşı mübarizə tədbirləri çərçivəsində yaradılmış mobil qruplar ölkədə tətbiq edilən xüsusi karantin rejiminin tətbiqi ilə bağlı rayon ərazisində sakinlərin sıx toplaşdığı məkanlar, ictimai iaşə, ticarət və digər sosial obyektlərdə müəyyən edilmiş qaydalara əməl olunması vəziyyətini öyrənmək, eyni zamanda ictimai maarifləndirmə və profilaktiki tədbirlərin görülməsi məqsədilə reydlər həyata keçirir.
Mobil qrupların üzvləri tərəfindən 17-18 avqust 2020-ci il tarixlərində müxtəlif istiqamətlərlə bağlı 286 reyd keçirilmişdir. Karantin rejiminin tələblərinin pozulmasına görə 11 sahibkara cərimə tətbiq olunmuş, müxtəlif qanunsuz tədbirləri təşkil edənlər, o cümlədən vətəndaşlar da daxil olmaqla, 155 xəbərdarlıq edilmişdir. Tətbiq edilən cərimə məbləği 1100 manat təşkil etmişdir.
Mobil qruplar tərəfindən tədbirlər davam etdirilir.
