Ağdaşda Dövlət Bayrağı günü silsilə tədbirlərlə qeyd olunmuşdur.
6-7 noyabr 2015-ci il tarixlərdə Heydər Əliyev Mərkəzində Dövlət Bayrağı günü münasibətilə ümumtəhsil məktəblərundə təhsil alan gənc rəssamların rəsm sərgisi nümayiş etdirilməklə bədii kompozisiya təqdim edilmiş, Mədəniyyət Turizm şöbəsi ilə birgə Dövlət Bayrağı meydanında tədbir təşkil edilmiş, Olimpiya idman kompleksində yeniyetmə və gənclərin iştirakı ilə idmanın taekvondo, sərbəst güləş və boks növləri üzrə açıq rayon birinciliyi keçirilmiş, Ağdaş rayonu və Mingəçevir şəhərinin qalib idmançıları medallar və fəxri fərmanlarla təltif edilmişdir.
Heydər Əliyev Mərkəzində dəyirmi masa ətrafında keçirilən tədbirdə məruzə dinlənilmiş, müzakirələrdə Azərbaycanın dövlət müstəqilliyinin Azərbaycan xalqının ən böyük tarixi nailiyyəti olduğu vurğulanmış, ölkəmizdə möhtərəm Prezidentimiz cənab İlham Əliyevin rəhbərliyi altında Dövlət Bayrağına ehtiram əlaməti olaraq həyata keçirilən tədbirlər, həmin tədbirlərin gənc nəslin azərbaycançılıq məfkurəsi ruhunda tərbiyə olunmasında mühüm əhəmiyyət daşıdığı qeyd olunmuşdur.
