Ağdaşda “Bilik günü” münasibətilə tədbirlər keçirilib.

 15 sentyabr 2015-ci tarixdə yeni dərs ilinin başlanması və “Bilik günü” rayonun bütün təhsil  müəssisələrində təntənəli şəkildə qeyd olunmuşdur.

           Rayon ictimaiyyətinin, müvafiq qurumların nümayəndələri, müəllim, şagird və tələbələr, şoxsaylı valideynlərin iştirak etdikləri tədbirlərdə müasir dünyada təhsilin mühüm rolundan, ölkəmizdə bu sahənin inkişafına göstərilən xüsusi diqqət və qayğıdan danışılıb. Qeyd edilib ki, 2014/2015-ci  dərs ilində ölkə  Prezidenti cənab İlham Əliyev, Heydər Əliyev Fondunun prezideni, Azərbaycan Respublikasının birinci xanımı Mehriban Xanım Əliyevanın təhsil sahəsinə göstərdikləri diqqət qayğı sayəsində rayonda təhsil müəssisələrinin maddi texniki və tədris bazasının möhkəmləndirilməsi istiqamətində tədbirlər davam etdirilib.

           Ötən tədris ili ərzində buraxılış attestasiya imtahanları və ali məktəblərə keçirilən qəbul imtakanlarında rayon məzunlarının göstərdikləri nəticələr əvvəlki tədris illəri müqayisədə xeyli yaxşılaşmışdır. Rayonun  təhsil müəssisələrini bitirmiş məzunların 270 nəfəri 2015-ci ildə respublikanın ali məktəblərinə qəbul olunmuş, onlardan 35 nəfəri qəbul imtahanlarında 500-700 bal intervalında nəticələr göstərmişdir.

           Qəbul imtahanlarında ən yüksək nəticə əldə etmiş Kotavan kənd tam orta məktənin məzunu Ləman Kərimli (695 bal) və Maqsud Şeyxzadə adına texniki,  təbiət və humanitar təmayülü gimnaziyanın məzunu Cavid Səfərov (681bal)  Azərbaycan Respublikası Prezidentinin sərəncamı ilə Prezident təqaüdünə layiq görülmüşdür.

             Keçirilən tədbirlərdə Ağdaş Dövlət Humanitar Kollecinə yeni qəbul edilən tələbələrə tələbə bileti və qiymət kitabçaları təqdim edilmiş, ümumtəhsil məktəblərində ötən tədris ilində fərqlənən təhsil işçiləri mükafatlandırılmış, 2015/2016-cı dərs ilində ümumtəhsil məktəblərinin birinci sinif şagirdlərinə Heydər Əliyev Fondu tərəfindən içərisində zəruri tədris ləvazımatları olan məktəbli çantaları paylanmışdır.