Ağdaşda 31 Mart-Azərbaycanlıların Soyqırımı gününə həsr olunmuş tədbirlər keçirilib.

31 mart 2015-ci il tarixdə rayonda 31 Mart-Azərbaycanlıların Soyqırımı gününə həsr olunmuş  tədbirlər keçirilib.
   Rayon ictimaiyyəti nümayəndələrinin iştirakı ilə Heydər Əliyev Mərkəzində keçrilən tədbirdə dinlənilən məruzə və çıxışlarda çar Rusiyasının süqutundan sonra  bolşevik-daşnak dəstələri tərəfindən Bakı şəhəri və Azərbaycanın  digər  rayonlarında etnik təmizləmə əməliyyatlarının həyata keçirdiyi, bu əməliyyatlar nəticəsində minlərlə dinc insanların qətlə yetirildiyi qeyd edilmişdir.  Sovet dönəmində soyqırım hadisələri uzun illər unutdurulmaqla ört -basdır  edilsə də, dövlət müstəqilliyinin bərpasından sonra  xalqımızın ümummilli lideri Heydər Əliyevin 1998-ci il 26 fevral tarixli Fərmanı ilə “31Mart-Azərbaycanlıların Soyqırımı günü” kimi qey olunmağa başlandığı diqqətə çatdırılmış, möhtərəm Prezidentimiz cənab İlham Əliyevin rəhbərliyi altında  Ermənistanın Azərbaycana  qarşı  apardığı siyasətin, xalqımıza qarşı törədilən soyqırımı həqiqətlərinin real faktlar  və dəlillər əsasında  bütün dünyaya çatdırılması, xalqımız haqqında yanlış təsəvvürləri tamamilə dəyişməsi barədə geniş fikir mübadiləsi aparılmışdır.
  Mərkəzi rayon kitabxanasında  keçirilən tədbirdə soyqırım hadisələrinə həsr olunmuş kitab sərgisi təşkil edilmiş, erməni vəhşiliyinə həsr edilmiş videoçarx nümayiş etdirilmiş, tədbir məktəblilərin ifasında ədəb-bədii kompozisiyanın təqdimatı ilə yekunlaşmışdır.