Dekabrın 3-də Ağdaşda Beynəlxalq Əlillər Günü ilə əlaqədar tədbir keçirilib.
Çay evində keçirilən tədbirdə rayon icra hakimiyyəti, əhalinin sosial müdafiə mərkəzi, Qızıl Aypara Cəmiyyətinin rayon bölməsi, qeyri-hökumət təşkilatlarının nümayəndələri və əlillər iştirak etmişdir.
Tədbirdə çıxış edənlər tərəfindən ölkəmizdə sosial qayğıya ehtiyacı olan bütün insanlar kimi, əlillərin də daim Azərbaycan dövlətinin böyük diqqət və qayğısı ilə əhatə olunduğunu bildirilmiş, onların bütün problemlərinin həlli üçün zəruri tədbirlərin həyata keçirildiyi qeyd edilmişdir.
Bədii proqramla müşayiət olunan tədbirdə rayonun mədəniyyət kollektivlərinin ifasında rəngarəng musiqi nömrələri səsləndirilmiş, xususi istedadı və qabiliyyəti ilə seçilən əlillərin ifasında təqdim olunan rəqslər, mahnılar və poeziya nümunələri iştirakçıların böyük marağına səbəb olmuş, alqışlarla qarşılanmışdır.
Tədbirin yekununda əlillərə geyim əşyaları və ərzaq yardımı paylanmışdır.
