Ağdaşda Azərbaycan Respublikasının Dövlət Bayrağı gününə həsr edilən boks üzrə rayon birinciliyi yarışları keçirilib.
Rayon icra hakimiyyətinin təsdiq etdiyi Azərbaycan Respublikasının Dövlət Bayrağı gününə həsr edilmiş Tədbirlər Planına uyğun olaraq 6 noyabr 2014-il tarixdə Olimpiya idman kompleksində yeniyetmə və gənclər arasında boks üzrə rayon birinciliyi yarışları keçirilmişdir.
Yarışdan öncə üçrəngli dövlət bayrağı idmançıların mübarizə apardığı arenaya gətirilmiş, Azərbaycan Respublikasının dövlət himni səsləndirilmişdir.
Rayon Gənclər və İdman İdarəsinin rəisi Azad Gözəlov çıxı edərək Dövlət Bayrağı gününün ölkəmizdə əlamətdar günlər içərisində mühüm əhəmiyyət daşıyan tarixi bir gün olduğunu vurğulamış, bu münasibəti ilə rayonda silsilə tədbirlərin keçirildiyini qeyd etmişdir.
Rayon birinciliyi yarışlarında 8 çəki dərəcəsi və 32 medal uğrunda rayonun müxtəlif ərazilərindən olan 50-ə yaxın idmançı qüvvələrini sınamışdır.
Yarşın yekununda qalib idmançılara medallar və rayon Gənclər və İdman İdarəsinin fəxri fərmanları və hədiyyələri ilə mükafatlandırılmışdır.
