Şriftin ölçüsü :

Saytın rəngi :

Ağdaş rayon İcra Hakimiyyətinin başçısı Tofiq İbrahimov 2022-ci ildə təsdiq olunmuş qrafikə uyğun olaraq növbəti səyyar qəbulu Şəmsabad kənd sakinləri ilə keçirdi.

09 aprel 2022 | 06:28

Ağdaş rayon İcra Hakimiyyətinin başçısı Tofiq İbrahimov 2022-ci ildə təsdiq olunmuş qrafikə uyğun olaraq növbəti səyyar qəbulu Şəmsabad kənd sakinləri ilə keçirdi. Görüşdə rayonun hüquq-mühafizə orqanlarının, idarə, müəssisə və xidmət təşkilatlarının rəhbərləri və Şəmsabad və Əmirmahmud kənd sakinləri iştirak edirdilər.
Ağdaş rayon İcra Hakimiyyətinin başçısı Tofiq İbrahimov  respublikamızda olduğu kimi Ağdaş rayonunda da həyata keçirilən sosial-iqtisadi və infrastruktur layihələrdən danışdı. Rayon rəhbəri əhalinin sosial problemlərinin həlli istiqamətində həyata keçirilən tədbirlər və bu sahədə qarşıda duran vəzifələr barədə də ətraflı məlumat verdi.
Səyyar qəbulda sakinləri narahat edən müxtəlif məsələlər - gücü zəif olan elektrik transformatorunun  daha güclüsü ilə əvəz olunması, şirə kanalının qazılması, internet xəttinin çəkilməsi, işlə və maddi yardımla təminat, əlillik dərəcəsinin dəyişdirilməsi və digər mövzulara rayon rəhbəri tərəfindən aydınlıq gətirildi, müvafiq izahatlar verildi və qaldırılan məsələlərin həlli istiqamətində əlaqədar qurum və təşkilatların rəhbərlərinə yerindəcə tapşırıqlar verildi.

Keçidlər